തിരുവേഗപ്പുറ പഞ്ചായത്തിലെ നവീകരിച്ച രണ്ട് ഗ്രാമീണ റോഡുകളുടെ ഉദ്ഘാടനം മുഹമ്മദ് മുഹസിൻ എം.എൽ.എ നിർവ്വഹിച്ചു.
കൊളപ്രത്തൊടി പൊറ്റക്കാട്ട് തൊടി റോഡ് (25 ലക്ഷം), ഓടുപാറ എയര്‍പോര്‍ട്ട്‌ പറമ്പ് റോഡ് (15 ലക്ഷം) എന്നീ റോഡുകളുടെ ഉദ്ഘാടനമാണ് എം.എൽ.എ നിർവ്വഹിച്ചത്.
ഈ രണ്ടു ഗ്രാമീണ റോഡുകളും മുഖ്യമന്ത്രിയുടെ ഗ്രാമീണ റോഡ് പുനരുദ്ധാരണ പരിപാടിയിൽ ഉൾപ്പെടുത്തിയാണ് നവീകരിച്ചത്.
പ്രസ്തുത പദ്ധതി പ്രകാരം പട്ടാമ്പി മണ്ഡലത്തിനു ആറ് കോടി രൂപ അനുവദിച്ചിരുന്നു. തിരുവേഗപ്പുറയിൽ മാത്രം ഒരു കോടി രൂപയുടെ നാല് പ്രവർത്തികളാണ് ഈ പദ്ധതിയിലൂടെ നടപ്പിലാക്കുന്നത്.
ഉദ്ഘാടന ചടങ്ങിൽ വിവിധ രാഷ്ട്രീയ പാർട്ടി പ്രതിനിധികളായ ബിജു, പരമേശ്വരൻ, സതീശൻ മാസ്റ്റർ എന്നിവർ പങ്കെടുത്തു.
