പട്ടാമ്പിയെ ഇന്ത്യയിലെ ആദ്യത്തെ വൈജ്ഞാനിക മണ്ഡലമാക്കി മാറ്റുന്നതിന് വേണ്ടി പദ്ധതികൾ ആവിഷ്കരിച്ച് നടപ്പിലാക്കി കൊണ്ടിരിക്കുകയാണ്. ഇതിന്റെ ഭാഗമായി കില (കേരള ഇൻസ്റ്റ്യൂട്ട് ഓഫ് ലോക്കൽ അഡ്മിനിസ്ട്രേഷൻ ) സംഘമെത്തുകയും വിവിധങ്ങളായ പദ്ധതികൾ ആവിഷ്കരിക്കുകയും ചെയ്തിരുന്നു. കൂടാതെ കോഴിക്കോട് എൻഐടി (നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജി) സംഘവും പട്ടാമ്പിയിലെത്തി വിദ്യാർത്ഥികളും അധ്യാപകരുടെയും നേതൃത്വത്തിൽ നിരവധി പദ്ധതികൾ നടപ്പിലാക്കുന്നത് പഠനവിധേയമാക്കിയിരുന്നു . കൂടാതെ ഇപ്പോൾ ഇന്ത്യയിലെ തന്നെ പ്രമുഖ സ്ഥാപനമായ തിരുവനന്തപുരം കോളേജ് ഓഫ് എൻജിനീയറിങ്ങിൽ (CET) യിൽ നിന്ന് വിദ്യാർത്ഥികളും അധ്യാപകരും അടങ്ങുന്ന സംഘം എത്തിയിരിക്കുന്നത്.
ഭാവി മുന്നിൽക്കണ്ടുള്ള നഗര വികസനം, പശ്ചാത്തല സൗകര്യങ്ങൾ, കണക്ടിവിറ്റി, സോഷ്യൽ ഇൻഫ്രാസ്പെക്ടര്‍, വിവിധതരം സമൂഹങ്ങളുടെ വികസന ആവശ്യങ്ങൾക്കുള്ള പദ്ധതികൾ തുടങ്ങിയവ പഠന വിധേയമാക്കാനും ദീർഘകാല അടിസ്ഥാനത്തിൽ നടപ്പിലാക്കാനുള്ള പഠനമാണ് സംഘം നടത്തുക. ഇതുവഴി സംഘത്തിന്റെ പ്രധാനപ്പെട്ട ലക്ഷ്യം പട്ടാമ്പി മണ്ഡലത്തെ ഇന്ത്യയിലെ ആദ്യത്തെ വൈജ്ഞാനിക മണ്ഡലം ആക്കി ഉയർത്തുന്നതിന് സാമൂഹിക വികസന പശ്ചാത്തല സൗകര്യങ്ങളും സംവിധാനങ്ങളും ഒരുക്കുന്നതിനുള്ള പദ്ധതികൾ നിർദ്ദേശിക്കുക എന്നതാണ്. എംഎൽഎ മുഹമ്മദ് മുഹസിന്റെ ആവാദ്യാർത്ഥമാണ് ഈ സംഘങ്ങൾ എല്ലാം തന്നെ പട്ടാമ്പിയിൽ എത്തുകയും ശാസ്ത്രീയമായ പഠനങ്ങൾ നടത്തുകയും ചെയ്യുന്നത്. സംഘവുമായി എംഎൽഎ നേരിട്ട് സംസാരിക്കുകയും പ്രാഥമിക മായിട്ടുള്ള റിപ്പോർട്ട് ആവശ്യപ്പെടുകയും ചെയ്തിട്ടുണ്ട്. അതിനുശേഷം നഗരസഭയിലെ അടക്കമുള്ള ജനപ്രതിനിധികളുമായി ബന്ധപ്പെട്ട് വിപുലമായ യോഗം വിളിക്കാനും കൂടുതൽ പ്രവർത്തനങ്ങൾ നടത്താനും തീരുമാനിച്ചു. പട്ടാമ്പി മണ്ഡലത്തിൽ ആയിരം കോടിയിലധികം രൂപ വിവിധ ഘട്ടങ്ങളിലായി വികസന പദ്ധതികൾക്ക് ലഭ്യമാക്കുകയും അടുത്തഘട്ടം വ്യക്തമായ ഡിസൈനോടുകൂടി മുന്നോട്ടുപോകുന്നതിനുള്ള പദ്ധതി ആവശ്യമാണ് എന്നതുമാണ് ഇത്തരത്തിൽ പഠനത്തിന് സാഹചര്യം ഒരുക്കിയത് എന്ന് എംഎൽഎ അറിയിച്ചു.
